29th
Jan
Hay’adda Kaalmo Community Welfare waa hay’ad samafal oo ka shaqeysa horumarinta nolosha bulshada, iyadoo diiradda saarta adeegyada aasaasiga ah sida helida biyaha nadiifka ah, caafimaadka iyo gargaarka bini’aadantinimo.
Deegaano badan oo dalka ayey mashaariic kala duwan ka hirgalisay, deegaano ku dhow magaalada Baydhabo waxaa ka jiray biyo la’aan baahsan, taasoo saameyn weyn ku yeelatay nolosha bulshada, gaar ahaan haweenka, carruurta iyo dadka nugul.
Bulshadu waxay ku tiirsaneyd ilo biyo oo fog ama aan nadiif ahayn, taasoo keentay dhibaatooyin caafimaad iyo waliba mid nololeed.
Mashaariic loogu hirgaliyay ceelal biyood ayaa jiray, waxaa loogu talagalay iney ka faa'iideystaan dadka wajahaya xaaladaha ay kamid yihiin biyo la'aanta iyo abaaraha, Mashruucani celal boyoodyada waxaa si toos ah uga faa’iideystay boqolaal qoys, wuxuuna door muhiim ah ka qaatay horumarinta nolosha iyo badbaadinta bulshada ku nool deegaanada hoos yimaada magaalada Baydhabo.
Ujeedada Mashruuca.
Ujeedada mashruucan waa:
• In bulshada la siiyo biyo nadiif ah oo joogto ah
• In la yareeyo biyo la’aanta iyo cudurrada ka dhasha biyaha wasakhaysan.
• In la fududeeyo nolosha bulshada, gaar ahaan haweenka iyo carruurta
• In la xoojiyo wada-shaqeynta bulshada iyo hay’adda Kaalmo.
Natiijooyinka la Gaaray.
Bulshooyin badan ayaa helay biyo nadiif ah oo sahlan.
• Waxaa yaraaday waqtigii iyo dhibkii loo mari jiray helidda biyaha
• Waxaa kor u kacay caafimaadka guud ee bulshada
• Bulshadu waxay noqotay mid kaalin ka qaadata ilaalinta ceelasha loo qoday.
Hay’adda Kaalmo Community Welfare waxay ku guuleysatay hirgelinta mashruucan ceelasha biyaha, iyadoo muujisay karti, hufnaan iyo ka go’naansho horumarinta bulshada. Hay’addu waxay diyaar u tahay inay sii ballaariso mashruucan, si deegaano kale oo biyo la’aan ah loo gaarsiiyo adeeggan muhiimka ah.
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
